ემორის ასისტენტ-დეკანის ვებინარი - ,,სტუდენტის შეფასების მეთოდები უმაღლეს განათლებაში"

ემორის უნივერსიტეტის მედიცინის სკოლასა და თბილისის სახელმწიფო სამედიცინო უნივერსიტეტის თანამშრომლობის ფარგლებში 2020 წლის 22 ივნისს დიპლომირებული მედიკოსის ამერიკული პროგრამის ინიცირებით ამავე პროგრამის პრეკლინიკურ სწავლებაში ჩართული აკადემიური და მოწვეული პერსონალისთვის ვებინარი ჩატარდა.

ვებინარს ხელმძღვანელობდა ემორის უნივერსიტეტის მედიცინის სკოლის პროფესორი გორდონ ჩარჩვორდი. ვებინარის თემა იყო ,,სტუდენტის შეფასების მეთოდები უმაღლეს განათლებაში".

ონლაინ-შეხვედრისას ვებინარის მონაწილეებმა ერთმანეთს გაუზიარეს საკუთარი გამოცდილება COVID-19-ის პანდემიით გამოწვეული დისტანციური სწავლების პირობებში.

ვებინარის ბოლოს დაიგეგმა შემდგომი ონლაინ-აქტივობები დიპლომირებული მედიკოსის ამერიკული პროგრამის აკადემიურ პერსონალთან.