ბიბლიოთეკა

თბილისის სახელმწიფო სამედიცინო უნივერსიტეტის ბიბლიოთეკის ძირითადი დანიშნულებაა სასწავლო პროცესის ინფორმაციული უზრუნველყოფა, სამედიცინო კვლევებისა და სწავლის პროცესის ხელშეწყობა, ნაბეჭდი და ელექტრონული რესურსების სრულყოფილი და მაღალკვალიფიციური მიწოდება სტუდენტების, პროფესორ-მასწავლებლების, თანამშროლების და სხვა მომხმარებლისათვის.

სამუშაო საათები:
ორშაბათი – პარასკევი 10:00 საათიდან 21:00 საათამდე
შაბათი – 10:00–დან 16:00 საათამდე

• ბიბლიოთეკა ემსახურება თსსუ-ს თანამშრომლებს და დამადასტურებელი საბუთის მქონე სტუდენტებს;
• ბიბლიოთეკის მომხმარებელზე იქმნება მკითხველის ბარათი;
• მკითხველის ბარათში ასახულ ინფორმაციას ხელმოწერით ადასტურებს ბიბლიოთეკარი და მკითხველი;
• ბიბლიოთეკით სარგებლობის წესები სავალდებულოა მისი ყველა მომხმარებლისთვის;
• ბიბლიოთეკით სარგებლობის წესების დარღვევის შემთხვევაში მომხმარებლის მიმართ გატარდება კანონით გათვალისწინებული ზომები;
• უცხოური ლიტერატურის განყოფილებაში ბეჭდური რესურსებით სარგებლობა მომხმარებელს შეუძლია თავისუფალი დაშვების პირობებში;
• სამკითხველო დარბაზებში დაცული მასალის ასლის გადაღება დასაშვებია მხოლოდ ბიბლიოთეკარის თანხმობით.
  
   

ბიბლიოთეკაში გაწევრიანების წესები:

ბიბლიოთეკაში გაწევრიანებისათვის უნდა წარადგინოთ ფოტოსურათი და სტუდენტის დამადასტურებელი საბუთი.

დამატებითი ინფორმაციისთვის ეწვიეთ ბმულს: http://tsmu.edu/lib/