ღია კარის დღე 2016
კომენტარი (0) გაზიარება (0)

დიპლომირებული მედიკოსის ამერიკული პროგრამა ღია კარის დღე თსსუ-ში 12 მარტს თბილისის სახელმწიფო სამედიცინო უნივერსიტეტში დიპლომირებული მედიკოსის ამერიკული პროგრამით დაინტერესებული აბიტურიენტებისა და მათი მშობლებისთვის ღია კარის დღე გაიმართა. მომავალ სტუდენტებს საშუალება ჰქონდათ, დიპლომირებული მედიკოსის ამერიკული პროგრამის შესახებ ამომწურავი ინფორმაცია მიეღოთ, უშუალოდ გასაუბრებოდნენ უნივერსიტეტის რექტორს - პროფესორ ზურაბ ვადაჭკორიას, ვიცე რექტორს - პროფესორ რიმა ბერიაშვილს, პროგრამის ხელმძღვანელ პირებს, მათ შორის, ემორის უნივერსიტეტის (აშშ, ატლანტა) პროფესორს, საქართველოს და თბილისის საპატიო მოქალაქეს, კენეტ ვოლკერს, ემორის უნივერსიტეტის საზოგადოებრივი ჯანდაცვის ასისტენტ-პროფესორს, დიპლომირებული მედიკოსის ამერიკული პროგრამის ხელმძღვანელს,არჩილ უნდილაშვილს, ასევე, ემორის უნივერსიტეტის ფიზიკური მედიცინისა და რეაბილიტაციის პროგრამის პროფესორს, მერი იოჰანსონს. დიპლომირებული მედიკოსის ამერიკული პროგრამის ღია კარის დღე თსსუ-ის ადმინისტრაციული კორსპუსის სხდომათა დარბაზში ჩატარდა.